2007.05
- Гістарычны агляд:
- Помнік архітэктуры барока. Узведзена ў 1770-1776 гадах у цэнтры в. Шчорсы (Навагрудскі раён) уладальнікам маёнтка І. Храптовічам як уніяцкая царква. Будаўніцтвам кіраваў французскі архітэктар Я. Габрыэль. 1-нефавы прамавугольны ў плане храм з прамавугольнымі апсідай і сакрысціямі. На галоўным фасадзе 4-калонны аркадны порцік з 3-вугольным франтонам. Заывершаны фасад фігурным шчытом, за якім размешчана нізкая чацверыковая вежа-званіца з 4-схільным пакрыццём. Бакавыя фасады шырокім прафіляваным карнізам падзелены на два ярусы: ніжні расчлянёны невялікімі прамавугольнымі вокнамі і плоскімі лапаткамі ў прасценках, верхні прарэзаны лучковымі аконнымі праёмамі і завершаны прафіляваным карнізам. Прастора інтэр’ера перакрыта цыліндрычным скляпеннем на распалубках і падпружных арках. Над уваходам – хоры. Сцены дэкарыраваны прафіляваным карнізам, нішамі, падвойнымі пілястрамі карынфскага ордэра. Царква дзейнічае. Помнік рэспубліканскага значэння.
"Архітэктура Беларусі. Энцыклапедычны даведнік", Мінск 1993, стар. 491
(Інфармацыю знайшоў Чувак А.А.)
- Адрас
- 231428 Гродзенская вобласць, Навагрудскі раён, в.Шчорсы
- Тэлефон
- +3751597-9-94-30
- Епархія
- Навагрудская
- Благачынне
- Навагрудскае
- Архітэктар
- невядомы
- Від будаўніцтва
- перапрафіляванне з храмаў іншых канфесій
- Тыпалогія храма
- прыходская царква (вясковая)
- Стан храма
- дзейнічае
- Горадабудаўнічае рашэнне
- асобная пабудова
- Будаўнічы матэрыял сцен
- мураваны
- Год пачатку будаўніцтва
- 1770
- Год сканчэння будаўніцтва
- 1776
- Стагоддзе пачатку будаўніцтва
- 18
- Стагоддзе сканчэння будаўніцтва
- 18
2015
Пры выкарыстанні матэрыялаў сайта, калі ласка, спасылайцеся на drevlehranitel.by і аўтараў. Лепшы хосцінг hoster.by