- Гістарычны агляд:
У цэнтры горада, з касцёлам св. архангела Міхаіла фарміруе сілуэт гістарычнай плошчы. Пабудавана ў 1875 г. з цэглы на месцы папярэдняй драўлянай царквы 1830-х гг.'.
У 1894 г. на храм была выдзелена сума ў 600 руб. паводле духоўнага завяшчання П.І. Медынцавай. У 1934 г. святаром быў рэлігійна-грамадскі дзеяч беларускага замежжа М. Лапіцкі (1907-76). Адрэстаўрыраваны і адкрыты ў 1988-90 гг.
Помнік архітэктуры рэтраспектыўна-рускага стылю. Крыжова- купальны храм з нізкімі прамавугольнымі бакавымі прыдзеламі і апсідай. Над сяродкрыжжам — 8-гранны барабан пад пакатым шатровым дахам, завершаным цыбулепадобным купалам на глухім 8-гранным барабане. Над прытворам узведзены 8-гранны ярус шатровай званіцы з макаўкай. Крылы прытвораў накрыты 2-схільнымі дахамі. Тры ўваходы (галоўны і 2 бакавыя) вырашаны манументальнымі парталамі з кілепадобнымі аркамі. Сцены крапаваны лапаткамі, апярэзаны буйнымі аркатурнымі фрызамі. Сіметрыя архітэктурных плоскасцей падкрэсліна лучкавымі аконнымі праёмамі і плоскімі ліштвамі.
У інтэр'еры пануе 2-светлавая прастора сяродкрыжжа, у якое пры дапамозе ветразевай канструкцыі адкрываецца 8-гранны светлавы барабан і яго шатровае скляпенне. У цэнтральную залу шырокімі арачнымі прасветамі расчыняюцца апсіда, прыдзелы, перакрытыя крыжовымі скляпеннямі. Апсіда вылучана 1-ярусным іканастасам у стылі эклектыкі.
РДГА, ф.1488, воп. 1, спр.311, арк.1-3.
Праваслаўныя храмы Беларусі / А.М. Кулагін, З.Э. Герасімовіч, У.П. Свентахоўскі. - Мн., БелЭн, 2007.
- Адрас
- 231100 Гродзенская вобласць, г.Ашмяны, вул.Савецкая, 125
- Епархія
- Навагрудская
- Благачынне
- Ашмянскае
- Архітэктар
- Полазаў А. А.
- Від будаўніцтва
- першапачаткова праваслаўны будынак (пабудова)
- Тыпалогія храма
- прыходская царква (гарадская)
- Стан храма
- дзейнічае
- Горадабудаўнічае рашэнне
- асобная пабудова
- Будаўнічы матэрыял сцен
- мураваны
- Год сканчэння будаўніцтва
- 1883
- Стагоддзе сканчэння будаўніцтва
- 19


2015
Пры выкарыстанні матэрыялаў сайта, калі ласка, спасылайцеся на drevlehranitel.by і аўтараў. Лепшы хосцінг hoster.by